२०८१ चैत २१ गते बिहिवार / Apr 03 , 2025 , Thursday
२०८१ चैत २१ गते बिहिवार
Ads

साउदी अरेबियाका लागि नेपाली राजदूत डा. ढकालले सम्हाले कार्यभार

draupadi film
अन्जान गुभाजु
२०८१ मंसिर २० गते ०७:४३
साउदी अरेबियाका लागि नेपाली राजदूत डा. ढकालले सम्हाले कार्यभार

साउदी : करिब चार लाख नेपाली श्रमिक कार्यरत साउदी अरेबियाका लागि नेपाल सरकारद्वारा नवनियुक्त राजदूत डा. नरेश विक्रम ढकाल मंगलबार साउदीको राजधानी रियाद आइपुगेका छन् ।

रियादस्थित किङ खालिद अन्तर्राष्ट्रिय विमानस्थलमा उनलाई नेपाली दूतावासका अधिकारीहरू र साउदी अरेबियाको परराष्ट्र मन्त्रालयका शिष्टाचार अधिकारीहरूले स्वागत गरेका थिए ।

No description available.

बुधबार राजदूत ढकालले साउदी अरेबियाको परराष्ट्र मन्त्रालयका शिष्टाचार मामिला सम्बन्धी उपमन्त्री अब्दुलमजिद आर. अल्समारी सँग भेट गरेका छन् । भेटका क्रममा उनले आफ्नो राजदूत नियुक्तिको औपचारिक प्रमाणपत्रको प्रतिलिपि हस्तान्तरण गरे । त्यसपछि उनले औपचारिक रूपमा साउदी अरेबियाका लागि नेपालको राजदूतको जिम्मेवारी सम्हालेका हुन् ।

राजदूत ढकालले आफ्नो कार्यभार सम्हाल्ने क्रममा आयोजित समारोहमा संक्षिप्त सम्बोधन गर्दै नेपाल र साउदी अरेबियाबीचको मैत्रीपूर्ण सम्बन्धलाई थप मजबुत बनाउने प्रतिबद्धता जनाए । साथै, उनले साउदी अरेबियामा कार्यरत नेपाली श्रमिकहरूको अधिकार, सुरक्षा र कल्याणका लागि विशेष ध्यान दिने बताएका छन् ।

यसअघि कतारका लागि नेपाली राजदूतको जिम्मेवारी कुशलतापूर्वक पूरा गरेका ढकालप्रति कतारका नेपाली समुदायले उच्च सम्मान व्यक्त गरेका थिए । साउदी अरेबियामा पनि उनले नेपाली श्रमिकहरूको हित र दुई देशबीचको सम्बन्ध मजबुत बनाउन उल्लेखनीय योगदान गर्ने विश्वास गरिएको छ ।

नेपालका श्रमिकका समस्या समाधान र द्विपक्षीय सम्बन्ध सुधारमा राजदूत ढकालको नेतृत्वमा नयाँ युगको सुरूवात हुने अपेक्षा गरिएको छ ।

ADV

सम्बन्धित खबर

Advertise