काठमाडौं : नेपाल कम्युनिष्ट पार्टी (नेकपा) भित्र देखिएको आन्तरिक शक्ति संघर्षमा बामदेव गौतमले सवैभन्दा बढी लाभ उठाउँदै आएका छन् । पार्टीभित्र अध्यक्ष द्वय केपी शर्मा ओली र पुष्पकमल दाहाल सँगै बरिष्ठ नेता माधवकुमार नेपाल बीच शक्ति टकराब हुँदा गौतमले लाभ लिदै आएका हुन् ।
नेकपाभित्र अहिले कस्तो परिस्थिति बनेको छ भने गौतम जता लाग्छन्, उतै निर्णायक हुने अवस्था बनेको छ । ओलीलाई तत्कालीन एमालेको अध्यक्ष बनाउन निर्णायक भूमिकामा देखिएका गौतम पार्टी एकीकरण प्रक्रियामा समेत सक्रिय र विश्वासनीय पात्र देखिए । उनकै जोडबलमा एमाले र माओवादी बीच एकीकरण संभव भएको जस गौतमलाई दिइदै आएको छ ।
त्यस यता ओलीलाई अप्ठ्यारो पार्न गौतम दाहाल र नेपालको गठबन्धनमा पुगेका छन् भने ओलीलाई एक्लौटी निर्णय गर्ने अवस्थामा साथ उनकै मिल्ने गरेको देखिन्छ । यही बीच गौतमले संगठन विभाग प्रमुख र उपाध्यक्ष पद प्राप्त गरेका छन् । गौतमलाई उपाध्यक्ष बनाउन नेकपाले विधान नै संशोधन गरेको छ । सचिवालयको प्रस्तावलाई माघ तेस्रो साता सकिएको केन्द्रीय कमिटीले अनुमोदन गरेपछि गौतम उपाध्यक्ष बने । त्यस अगाडि नै संगठन विभागको प्रमुख बनिसकेका थिए ।
ओली, दाहाल र नेपालकै समर्थन मिल्दा गौतम पार्टीभित्र शक्तिशाली देखिदै आएका छन् । यसबीच नेतृत्वलाई नै चुनौती हुनेगरी अभिव्यक्ति समेत दिदै आएका छन् । पाँच वर्षे स्थीर सरकार चलाइरहेका प्रधानमन्त्री ओलीकै बिकल्पका रुपमा समेत गौतमले बोलिदिए । अर्का अध्यक्ष दाहालले समेत पाँच वर्ष नै प्रधानमन्त्री चलाउन दिने सहमति गरिसकेका बेला गौतमले निर्धक्क प्रधानमन्त्रीको उम्मेद्वार नबने राष्ट्रियसभामा नजाने समेत बताए ।
बर्दिया–१ बाट नेपाली काँग्रेसका सञ्जयकुमार गौतमलाई पराजित उपाध्यक्ष गौतमले यसअगाडि उपनिर्वाचन मार्फत संसदमा छिर्न अनेक प्रयत्न गरेका थिए । डोल्पाका धनबहादुर बुढालाई राजीनामा गराएर उपनिर्वाचन लड्ने देखि काठमाडौं –७ बाट निर्वाचन लड्न रामबीर मानन्धरलाई राजीनामा गराउने खेल समेत भयो । त्यही बीच कास्की–३ मा गएको मंसिर १४ गते सम्पन्न उपनिर्वाचनमा उम्मेद्वार बन्ने चर्चा समेत भयो । तर, गौतमले नै उम्मेद्वार नबन्ने बताए ।
माघ ९ गते सकिएको राष्ट्रियसभा निर्वाचन पार्टीले आग्रह गरेपनि गौतमले निर्वाचन लडेनन् । जित्ने निश्चित भएको निर्वाचनमा उम्मेद्वार नबनेका उपाध्यक्ष गौतम अहिले फेरि राष्ट्रियसभामा जानेबारे छलफल शुरु भएको छ । शुक्रबारको सचिवालय बैठकमा गौतमलाई मनोनित गरेर राष्ट्रियसभामा लैजानेबारे छलफल भएको स्रोतले जनाएको छ । तर, निर्णय भने भएको छैन ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies