काठमाडौं : लक्ष्मी ग्रुपले विद्यार्थीलाई शैक्षिक सामग्री वितरण गरेको छ । ग्रुपले आफ्नो ५१औँ वार्षिकोत्सवको अवसरमा ग्रुपअन्तर्गतको कम्पनी तथा हुन्डाई गाडीको आधिकारिक वितरक लक्ष्मी इन्टरकन्टिनेन्टलले ललितपुरको सेरेब्रल पल्सी सेन्टरमा ६० जना बढी बालबालिकालाई शैक्षिक सामग्री उपलब्ध गराएको हो ।
त्यस्तै, वार्षिकोत्सवकै अवससरमा ग्रुपले रक्तदान कार्यक्रम सञ्चालन गरेको छ । जसमा १०० भन्दा बढी कर्मचारीले सहभागिता जनाएका थिए । साथै, लक्ष्मी ग्रुपअन्तर्गतको हुन्डाई काठमाडौंले नक्सालस्थित भाटभटेनी मन्दिर र वरपर सफाइ अभियान सञ्चालन पनि गरेको थियो । ग्रुपले आफूमातहतका विभिन्न संस्थामार्फत् विभिन्न संस्थागत सामाजिक उत्तरदायित्व (सीएसआर) कार्यक्रम गर्दै शुक्रवार आफ्नो ५१औँ वार्षिकोत्सव सम्पन्न गरेको जनाएको छ ।
