काठमाडौँ : सर्वोच्च अदालतमा आइतबार सबै मुद्दाको सुनुवाइ स्थगित हुने भएको छ । पूर्वन्यायाधीश प्रकाश वस्तीको निधनको शोकमा मुद्दाहरूको सुनुवाइ रोकिएको हो ।
उनको अन्त्येष्टिपछि सर्वोच्च अदालतको पूर्ण बैठकले निधनप्रति शोक व्यक्त गरेको छ । अदालतका अनुसार सूची प्रकाशित भएपछि आज सबै मुद्दाको सुनुवाइ स्थगित हुनेछ ।
सर्वोच्च अदालत बाहेक अरु उच्च र जिल्ला अदालत अनि न्यायाधिकरणमा भने मुद्दाको सुनुवाइ प्रभावित हुनेछैन । आइतबार बिहान पशुपति क्षेत्र परिसरको विद्युतीय शवदाहगृहमा वस्तीको अन्त्येष्टि भएको छ ।
.jpg)
