काठमाडौंः रिटर्नी नेटवर्क नेपालका अध्यक्ष उत्तम अधिकारीले वैदेशिक रोजगारबाट प्राप्त भएको रेमिट्यान्सले देशका नागरिकहरुको लागि आय स्तरमा वृद्धि हुनु सकरात्मक भएको बताएका छन् । आइतबार रिटर्नी नेटवर्क नेपाल सामूहिक उद्यमशीलताका लागि प्रोत्साहन तथा अभिमुखीकरण कार्यक्रममा बोल्दै उनले यस्तो बताएका हुन् । 

उनले व्यक्ति–व्यक्तिमा छरिएर रहेका स–साना पुँजीहरुलाई एकीकृत रुपमा परिचालन गरी ठूलो कम्पनीको मालिक बन्न सकिने बताए । उनले भने, ‘व्यक्ति व्यक्तिमा छरेर रहेका स–साना पुँजीहरुलाई एकीकृत रुपमा परिचालन गरेर ठूलो कम्पनीको मालिक बन्न सकिन्छ । वैदेशिक रोजगारबाट प्राप्त भएको रेमिट्यान्सले देशका नागरिकहरुको लागि आय स्तरमा भएको वृद्धि भएको छ । राष्ट्रिय पुँजी निर्माणमा रेमिट्यान्सले प्रदान गरेको सहयोग र देश विकासको चक्रमा रेमिट्यान्सबाट प्राप्त भएका पुँजीहरु लगानी भइरहेको सन्दर्भलाई हेर्ने हो भने यसलाई सकारात्मक मान्नुपर्छ ।’