काठमाडौं : महिला सहकारी संस्था लिमिटेड साँखु सेवा केन्द्रको २९औं साधारण सभा सम्पन्न भएको छ । महिला लघु ऋण परियोजना कार्यक्रम साँखु सेवा केन्द्रमा कुल १ हजार ८५६ शेयरधनी सदस्य रहेकोमा मंगलबार सम्पन्न साधारण सभामा ११ सयभन्दा बढी शेयरधनी सदस्यहरुको उपस्थिति रहेको थियो ।
संस्थाले आ.व. २०८०/८१ मा कुल कर्जा लगानी १ अर्ब ६१ करोड ६९ लाख लगानी गरी कुल १ अर्ब २३ करोड ७ लाख रुपैयाँ शेयरधनी सदस्यबाट निक्षेप संकलन गरेको छ भने वित्तीय संस्थाबाट ३ करोड ११ लाख कर्जा लिइ विपन्न वर्गमा कर्जा प्रवाह गरेको छ । संस्थाको शेयरपुँजी ७ करोड ४८ लाख रुपैयाँ छ भने कुल सम्पत्ति २ अर्ब १२ करोड २४ लाख र जम्मा दायित्व १ अर्ब ५९ करोड २ लाख रुपैयाँ र कुल इक्वीटी ५३ करोड २१ लाख ९२ हजार रुपैयाँ गरी कुल दायित्व तथा इक्विटी २ अर्ब १२ करोड २४ लाख कायम रहेको छ । आ.व. २०८०/८१ मा खुद सञ्चालन आम्दानी १७ करोड ७१ लाख ७८ हजार रुपैयाँ र सञ्चालन मुनाफा ४ करोड ५० लाख रुपैयाँ आर्जन गर्न सफल भएको छ ।
संस्थाले आर्जन गरेको मुनाफाबाट बाँटफाँटका लागि योग्य मुनाफा २ करोड ९१ लाख ३८ हजार वितरण योग्य मुनाफाको बाँटफाँट १ करोड ६२ लाख ८० हजार रुपैयाँ रहेको छ । शेयर लाभांश १० प्रतिशत दिन संस्था सफल भएको छ भने जगेडा कोषमा ७२ लाख ८४ हजार र संरक्षित पुँजी फीर्ता कोषमा ५४ लाख ६३ हजार वितरण गर्न सफल भएको छ ।
कार्यक्रममा ज्येष्ठ उद्यमी २ जना, एकल महिला सफल उद्यमी पुरस्कार ३ जना, उत्कृष्ट ऋणी २ जना, उत्कृष्ट केन्द्र ३ वटा, प्रोत्साहन रकम १० वटा केन्द्रलाई गरी कुल ५० हजार रुपैयाँ नगद, दोसल्ला ओढाएर सम्मान गर्दा महिला शेयरधनी सदस्य उत्साहित भएका थिए ।
संस्थाले शेयरधनी सदस्यहरुबाट छात्रवृत्तिका लागि संकलन गरेको ३३ लाख ९८ हजारको ब्याज ३ लाख ४८ हजार रुपैयाँमध्ये साँखु सेवा केन्द्रमा स्कुल स्तरमा अध्ययनरत छात्रा ४ कक्षादेखि १० कक्षासम्मका गरी कुल १३ जना छात्रालाई कापी, डटपेन, पेन्सिल, झोला र नगद २५ सयदेखि ३५ सय रुपैयाँसम्म नगद उपलब्ध गराइएको संस्थाले जनाएको छ ।
