काठमाडौँ : सहकारीबारे छानविन गर्न बनेको संसदीय समितिले समस्याग्रस्त २० वटा सहकारीका कागजात माग गरेको छ । ‘सहकारी संस्था बचत रकम संसदीय छानविन विशेष समिति’ को आइतबार बसेको बैठकले २० वटा सहकारीसँग सम्बन्धित कागजातहरू माग गर्ने निर्णय गरेको हो ।
समितिले आइतबार २०६१ सालमा गठित सहकारी अध्ययन समितिका संयोजक डा. युवराज खतिवडा, २०७० सालमा गठित समस्याग्रस्त सहकारी जाँचबुझ आयोगका अध्यक्ष गौरीबहादुर कार्की र २०४७ सालमा गठित सहकारी अध्ययन कार्यदलका संयोजक राधाकृष्ण मैनालीसँग छलफल गरेको छ ।
संसदीय विशेष समितिका सभापति सूर्य थापाका अनुसार तिनैजनाले सहकारीसम्बन्धी आआफ्नो समयका अध्ययनका निष्कर्षहरूका साथै हालको संकट र सहकारी क्षेत्रको समस्या समाधान गर्ने बारेमा सुझावहरू राखेका छन् ।
