काठमाडौं : विश्वविद्यालय क्याम्पस, केन्द्रीय क्याम्पस किर्तिपुरको स्वतन्त्र विद्यार्थी युनियनको निर्वाचन रोकिएको छ । उच्च अदालत पाटनले केन्द्रीय क्याम्पसको स्ववियु निर्वाचन रोक्न अल्पकालीन अन्तरिम आदेश जारी गरेको छ । निर्वाचन ८ चैतमा गर्ने तय भएको थियो ।
बुधबार अदालतका न्यायाधीश डालकुमार खड्काको इजलासले निर्वाचन रोक्न आदेश दिएका हुन् । नेविसंघका नेता विष्णुबहादुर बडैलाले रिट दायर गर्दै अन्तरिम आदेश माग गरेका थिए । अदालतले अन्तरिम आदेशका लागि दुवै पक्षलाई ७ चैतमा छलफलमा बोलाएको छ ।
अदालतले त्रिवि स्ववियु निर्वाचन समितिले ३ चैतमा प्रकाशन गरेको सूचना कार्यन्वयन नगरी यथास्थितिमा राखु विपक्षीहरूको नाममा अल्पकालिन अन्तरिम आदेश जारी गरिएको जनाएको छ ।
