काठमाडौं : प्रतिनिधि सभाका नवनियुक्त सचिव सुरेश अधिकारीले आज सभामुख देवराज घिमिरेसमक्ष पद तथा गोपनीयताको शपथ लिएका छन् ।
राष्ट्रपति रामचन्द्र पौडेलले सभामुखको सिफारिसमा पूर्वसचिव अधिकारीलाई मंगलबार उक्त पदमा नियुक्त गरेका हुन् ।
त्यस अवसरमा संसद सचिवालयका महासचिव पद्मप्रसाद पाण्डेयलगायत अधिकारीहरूको उपस्थिति थियो ।
शपथ लिएपछि पत्रकारहरुलाई संक्षिप्त प्रतिक्रिया दिँदै सचिव अधिकारीले प्रतिनिधि सभाको कामलाई व्यवस्थित गराउन भूमिका खेल्ने बताए ।
सभामुखलाई सहयोग गर्ने, संसदका काम कारबाहीलाई व्यवस्थित तथा पारदर्शी बनाउनका लागि आफ्नो सहयोग र भूमिका रहने उनको भनाइ थियो ।