काठमाडौं :नेपाल वैदेशिक रोजगार व्यवसायी संघको कार्यसमिति सदस्य तुल्सी पुरीले पदबाट राजीनामा दिएको बताएका छन् । पुरी राजधानीको सिनामंगलस्थित एचएमटी ओभरसिज प्रालिका सञ्चालक हुन् । उनलाई अध्यक्ष विष्णुप्रसाद गैरेले संघको कार्य समितिमा मनोनयन गरेका थिए ।
पुरीले मंगलबारदेखि लागु हुने गरि कार्यसमितिको जिम्मेवारी छोडेको बताए । जुन उद्देश्य आशाका साथ कार्यसमितिको जिम्मेवारी प्राप्त भएको थियो, त्यस अनुसार काम गर्न नसकिएकाले संघको कार्यसमितिको जिम्मेवारी छोडेको व्यवसायी पुरीले मध्याह्न राष्ट्रिय दैनिकलाई बताए ।
उनले काम गर्नुपर्ने विषय धेरै भए पनि कतिपय अवस्थामा अग्रजहरूसँग समस्याको समाधान गर्ने विषयमा ‘ट्युनिङ’ मिल्न समेत नसकेको बताए । ‘उहाँहरू र मेरो कतिपय विषयमा दृष्टिकोणमा पनि फरक भएपछि कार्यसमितिमा बसिरहन उचित लागेन’,उनले भने ।
पुरीले राजीनामा दिए पनि संघले मनोनयन गरेका तीन व्यवसायी जिम्मेवारीमा छन् । संघले राजधानीको तीनकुनेस्थित डमरु रिसोर्स प्रा.लि. का सञ्चालक मोहन ढुंगेल, पुरानो बानेश्वरस्थित काम्ख्या ओभरसिज प्रा.लि.की सञ्चालिका राधा खड्का र कोटेश्वरस्थित सक्षम ह्युमन रिर्सोर्स प्रा.लिका अस्गर अलीलाई कार्यसमितिमा मनोनित गरिसकेको छ ।
संघको २१ सदस्यीय कार्य समितिमा ७ पदाधिकारी र १० जना सदस्य प्रत्यक्ष निर्वाचित गर्ने प्रावधान छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies