अर्घाखाँची : सन्धिखर्क नगरपालिकाका–उपप्रमुखसँग असहाय(टुहुरा) बालबालिका कार्यक्रम अन्तर्गत कपडा तथा व्याग वितरण गरिएको छ ।
पालिकास्थित १२ वटै वडाका कुल ८२ जना डेढ वर्षदेखि १६ वर्ष भित्रका बालबालिकाहरुलाई कपडा तथा व्याग बितरण गरिएको हो । डेढ वर्षदेखि ५ वर्षभित्रका बालबालिकाहरुलाई २ जोर कपडा व्याग तथा ५ वर्षदेखि १६ वर्ष मुनिका बालबालिकाहरुलाई एकजोर कपडा तथा व्याग वितरण गर्नुका साथै बालबालिका तथा उनका अभिभावकहरुलाई पाँच/पाँच सयका दरले आतेजातेको व्यवस्था गरिएको थियो ।
सन्धिखर्क नगरपालिकाका नगरप्रमुख कृष्ण प्रसाद श्रेष्ठको प्रमुख आतिथ्यतामा शुरु भएको कार्यक्रममा नेपाल पत्रकार महासंघका जिल्ला अध्यक्ष अशोक खनाल प्रदेश सदस्य प्रेम नारायण आचार्य लगायतको उपस्थित रहेको थियो ।
कार्यक्रम सन्धिखर्क नगरपालिकाका नगरउपप्रमुख मिश्रा आचार्यको अध्यक्षता तथा सन्धिखर्क नगरपालिका महिला बालबालिका तथा जेष्ठ नागरिक शाखा प्रमुख पुष्पा भुसालको सञ्चालनमा सम्पन्न भएको थियो ।
