गणेश सिंह धामी/मध्यान्ह
दार्चुला : दार्चुलाको मालिकार्जुन गाउँपालिकाले पनि १११ औँ अन्तर्राष्ट्रिय नारी दिवस भब्यताका साथ मनाएको छ । पालिकाको वडा न ८ शंकरपुर पस्तीको आयोजनामा मुल समारोह समितिका संयोजक धानादेबी धामीको अध्यक्षतामा आयोजित कार्यक्रममा मालुकार्जुन गाउँपालिका अध्यक्ष नरेन्द्र सिंह धामीको प्रमुख आतिथ्यता रहेको थियो ।
कार्यक्रममा नेकपा जिल्ला कमिटी सदस्य कल्यान सिंह धामी, वडा नम्बर ८ का वडा अध्यक्ष पदम राज पन्तको समेत सहभागी रहेको थियो । उक्त कार्यक्रम मा ११ वटा आमा समूहबीच हाजिरी जवाफ प्रतियोगिताको पनि आयोजना गरिएको थियो । जसमा पहिलो स्थान प्रगतिशिल आमा समूह, दोस्रोमा शिव पार्बती आमा समूह र तृतीय स्थान मालिकार्जुन आमा समुहले प्राप्त गरेका छन् ।
पहिलो हुने टिमलाई २ हजार ५ सय दोस्रो हुने टिमलाई २ हजार र तेस्रो हुने टिमलाई एक हजार रुपैयाँका दरले खाजा खर्च उपलब्ध गराएको थियो । सोही कार्यक्रममा मालिकार्जुन गाउँपालिका वडा न.८ शंकरपुर सिराडी का १०५ वर्षीया नन्दादेबी जोशीलाई गाउँपालिका अध्यक्ष नरेन्द्र सिंह धामीले दोसल्ला ओढाई सम्मानका साथै मायाको चिनो प्रदान गरेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies