इमरान खान/मध्यान्ह
कपिलवस्तु : शुद्धोधन गाउँपालिकाको आयोजनामा लवनी स्वास्थ्य चौकीमा रक्तदान कार्यक्रम सम्पन्न भएको छ । रक्तदान कार्यक्रममा कर्मचारी जनप्रतिनिधि र शिक्षक गरी ४५ जनाले रक्तदान गरेका छन् ।
कोरोना कहरमा विरामीलाई रगत आवश्यक पर्न सक्ने भन्दै रगत संकलन गरिएको गाउँपालिकाका अध्यक्ष निसार अहमद खांले बताए । रगतको अभावमा कसैको मुत्यु नहोस् भन्नको लागि सेवामुलक कार्यक्रम स्वरुपमा रक्तदान कार्यक्रम संचालन गरिएको समेत अध्यक्ष खांले बताए ।
रत्तदान समारोहमा उपाध्यक्ष सुधादेवी पाण्डेय, प्रमुख प्रशासकीय अधिकृत कृष्ण प्रसाद ज्ञवाली, वडा नं २ का अध्यक्ष मनोज कुमार यादव,स्वास्थ्य शाखा प्रमुख अस्फाक अहमद खां लगायतको सहभागिता रहेको थियो ।
धेरैजसो रगत दिनेमा कर्मचारी रहेको प्रमुख प्रशासकीय अधिकृत कृष्ण प्रसाद ज्ञवालीले बताए । नेपाल रेडक्रस सोसाइटी कपिलवस्तुले प्राविधिक सेवा उपलब्ध गराई रगत संकलनमा सहयोग गरेको थियो । संकलित रगत नेपाल रेडक्रस सोसाइटी कपिलवस्तुको ब्लड बैंकमा जम्मा गरि आवश्यक परेका विरामीलाई वितरण गरिने रेडक्रस सोसाइटीका मन्त्री सन्तोष कुमार श्रीवास्तले बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies