तेजबहादुर बन/मध्यान्ह
इटहरी : नेपाली कांग्रेसको १४ औँ महाधिवेशन अन्तर्गत इटहरीमा यहि भदौ २१ गते सम्पन्न वडा अधिवेशनले वडामा नयाँ समिति चुनिएपनि दलित एवम् महिलाहरूको नेतृत्व भने शुन्य देखिएको छ ।
२० वटा वडाहरू रहेको सुनसरीको इटहरी उपमहानगरमा अधिकांश वडाहरूले सहमतिको आधारमा नया नेतृत्व चयन गरेका छन् तर चुनिएका २० वटा वडाका नेतृत्वमा महिला तथा दलितको सहभागिता शुन्य देखिएको छ ।
उपमहानगरको कुन पनि वडाहरुमा दलित तथा महिलाहरुले पार्टीको नेतृत्व गरेका छैनन् । अझैपनि सामान्य कार्यकता सरह वडामै खुम्चिन बाध्य बनेका छन् ।
अन्य वडाहरुको तुलनामा नेपाली कांग्रेसले नै विजय हासिल गरेको क्षेत्रहरुको स्थिति नियाल्ने हो भने सोही क्षेत्रहरुमा समेत महिला तथा दलितहरुको उपस्थिति निकै न्यून देखिएको छ ।
इटहरीको वडा न ३, ६, ७, ८, १०, १२, २० नेपाली कांग्रेसको मुख्य क्षेत्र मानिएपनि सोहि वडामा महिला तथा दलितको उपस्थिति न्यून देखिएको छ । वडामा मात्र नभएर दलितहरूको उपस्थिति क्षेत्रीय स्तरमा पनि निकै कम देखिएको छ । प्रत्येका वडामा ५ जना महिला तथा दलित एवम् पिछडिएका वर्गलाई समेटेर समिति चयन हुनुपर्ने प्रावधान भएपनि अधिकांश वडाहरूमा त्यस्तो देखिएको छैन ।
कांग्रेसकै मुख्य क्षेत्र इटहरीको वडा नं. ६ मा महिलाहरूको सहभागिता उत्साहजनक देखिएपनि नेतृत्वमा पहुँच देखिएको छैन । उक्त वडामा महिलाहरुको संख्या १३ जना देखिएपनि दलित र पिछडिएका वर्गको उपस्थिति देखिएको छैन ।
त्यस्तै कांग्रेसले नै नेतृत्व गरेको वडा नं ३ मा पनि महिलाहरूको उपस्थिति न्यून देखिएको छ । सो वडामा ५ जना महिला निर्वाचित भएका छन् । जसमा दलित महिलाको उपस्थिति एक जनामात्र रहेको पाइएको छ ।
४ नं वडामा वडा सभापतिसहित ४६ जना निर्वाचित भएका छन् । जसमा महिलाहरुको उपस्थिति १६ जना देखिएको छ । त्यसमा पनि दलितको उपस्थिति एक जना मात्र देखिएको छ । त्यस्तै वडा नं. ६ मा वडा सभापतिसहित ३८ जना निर्वाचित भएका छन् । जसमा महिलाहरुको उपस्थिति १३ जना देखिएको छ । त्यसमा पनि दलितको सहभागिता एक जना मात्र देखिएको छ ।
त्यस्तै कांग्रेसले नै नेतृत्व गरेको वडा नं.२० मा पनि दलित एवम् महिलाहरूको उपस्थिति न्यून देखिएको छ । उक्त वडामा एक वडा सभापति र ४४ जना क्षेत्रिय प्रतिनिधिमा निर्वाचित भएका छन् । जसमा महिलाको सहभागिता १४ जना रहेको छ भने दलित एकजना पनि सहभागि देखिएका छैनन् ।
प्रतिशतको हिसाबले महिलाहरुको उपस्थिति ३३ प्रतिशत देखिएपनि कांंग्रेसले नै नेतृत्व गरेको वडाहरुमा महिलाहरुले नेतृत्व नपाउनुले पार्टीभित्र अझैपनि विभेद रहिआएको आशंका पलाएको छ ।
स्थानीय निर्वाचनपछि इटहरी उपमहानगरमा नेपाली कांग्रेसले ८ वटा वडाहरुमा भारी मत ल्याएर विजयी हासिल गरेको थियो ।
२० वटा वडाहरुमा कांंग्रेसले अधिवेशन सम्पन्न गरेपनि बलियो पकड भएको वडाहरुमा महिला र दलितले नेतृत्व नपाउनुले पार्टीभित्र विभेद कायम रहेको छ भन्ने आशंका पलाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies