काठमाडौं : पोखरा तालचोकस्थित माछापुच्छ्रे पोलिक्लिनिक एन्ड डाइग्नोस्टिक प्रालि र प्रभु बैंक लिमिटेडबीच बैंकका ग्राहक तथा कर्मचारीलाई स्वास्थ्य सेवामा विशेष छुट दिने सम्झौता भएको छ ।
सम्झौताअनुसार प्रभु बैंकका कर्मचारी, कर्मचारीका परिवारजन तथा बैंकका ग्राहकले पोलिक्लिनिकमा प्रदान गरिने विभिन्न स्वास्थ्य सेवामा ५ देखि २० प्रतिशतसम्म छुट पाउनेछन् ।
सो सम्झौतापत्रमा पोलिक्लिनिकका तर्फबाट चिकित्सा निर्देशक डा. प्रकाश भट्टराई र सञ्चालन निर्देशक भावना भण्डारी तथा प्रभु बैंक तालचोक शाखाका प्रबन्धक प्रकाश पौडेलले संयुक्त रूपमा हस्ताक्षर गरेका छन् ।
