२०८२ भदौ १३ गते शुक्रवार / Aug 29 , 2025 , Friday
२०८२ भदौ १३ गते शुक्रवार
Ads

उखु किसानको धर्ना जारी

shivam cement
मध्यान्ह
२०८२ भदौ १३ गते १४:१८
उखु किसानको धर्ना जारी

काठमाडौं : गत आ.व. २०८१/८२ को उखुको वक्यौता अनुदान रकम प्रतिक्विन्टल ७० रुपैयाँ भुक्तानी गर्न दबाब दिँदै आएका उखु किसानहरुले शुक्रबार पनि काठमाडौंमा धर्ना दिएका छन् ।

उखु उत्पादक संघ नेपालको नेतृत्वमा आन्दोलन गर्दै आएका उनीहरुले सरकारलाई आफूहरुको माग सम्बोधन गर्न दबाब दिँदै काठमाडौंको माइतीघर मण्डलामा धर्ना कार्यक्रमलाई निरन्तरता दिएका हुन् ।

उखुको मूल्य निर्धारणमा किसानको सहभागिता सुनिश्चित हुनुपर्ने, अनुदान तत्काल उपलब्ध गराउनुपर्ने, उखुमा लाग्ने भ्याट खारेज गर्नुपर्ने किसानहरुको मुख्य माग छ ।

त्यस क्रममा उनीहरुले आफूहरुको माग सम्बोधन नगरेको भन्दै सरकारविरुद्ध चर्को नाराबाजी समेत लगाएका छन् । १३ जिल्लाबाट काठमाडौंमा आन्दोलन गर्दै आएका उखु किसानहरुले आफनो माग सम्बोधन नभएसम्म आन्दोलन जारी राख्ने चेतावनी दिँदै आएका छन् ।

ADV

ताजा खबर

सम्बन्धित खबर

Advertise