इसत्याक अहमद/मध्यान्ह
रौतहट : रौतहटमा दलित भवन उद्घाटन गरिएको छ । रौतहटको माधव नारायण नगरपालिकाकी उपमेयर सिमल कुमारी साहले वडा न ३ भेलहिमा दलित भवनको आइतबार एक कार्यक्रमबीच उद्घाटन गरेकी हुन् ।
उपमेयर साहको २५ लाखको कोषबाट उक्त दलित भवन निर्माण भएको थियो । भेलहीका दलितहरुले आफै चन्दा संकलन गरेर जग्गा खरीद गरेको तर भवन बनाउनको लागि पैसाको अभाव भए पछि उपमेयर साह समक्ष समस्या सुनाए पछि उनले आफ्नो कोषबाट २५ लाख रकम विनियोजन गरेर दलितहरुको पक्की घर निर्माण गराएकी हुन् ।
भेलहिको दलित बस्तीका बासिन्दाहरु पक्की घर पाएपछि निकै नै हर्षित भएका छन् । यो निर्माणसँगै अब वर्षातको समयमा दलित बस्तीका बासिन्दाहरुले अन्यत्र बसोबास गर्न जानुपर्ने बाध्यता समेत हटेको छ ।
आउदो दिनमा आफ्नो नगरभित्र रहेको दलित बस्तीमा आफुले पक्की घर बनाउने उपमेयर साहले प्रतिबद्धता समेत जनाइन् । उक्त कार्यक्रममा दलित अगुवा लगायत स्थानीयहरुको उल्लेखनीय उपस्थिति रहेको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies