काठमाडौँ : जेनजी आन्दोलनपछि नेकपा एमाले अध्यक्ष केपी शर्मा ओली पार्टी केन्द्रीय कार्यालय च्यासल पुगेका छन् ।
पार्टीको समन्वय कमिटीको भेटघाट तथा चियापान कार्यक्रममा सहभागी हुन पहिलो पटक ओली आज च्यासल पुगेका हुन् । जेनजी आन्दोलनको क्रममा २४ भदौमा एमाले कार्यालयमा आगजनी र तोडफोड भएको थियो ।
आन्दोलनपछि सत्ताच्युत भएका ओली अहिले गुण्डुमा बस्दै आएका छन् । कार्यक्रममा एमालेका वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल, युवराज ज्ञवालीलगायत नेता कार्यकर्ता सहभागी छन् ।
