काठमाडौं : प्रधानमन्त्री सुशीला कार्कीले बाराको सिमरामा उत्पन्न तनावपूर्ण अवस्थाबारे समीक्षा गर्न राष्ट्रिय सुरक्षा परिषद्को बैठक बोलाएकी छन् ।
बैठक बिहीबार दिउँसो साढे २ बजे सिंहदरबारस्थित परिषद् सचिवालयमा बस्नेछ ।
सिमरा विमानस्थलमा बुधबार जेनजी युवाहरूले गरेका तोडफोड र सडकमा भएको आगजनीपछि हिजो साँझ र आज बिहान समेत सुरक्षा अधिकारीबीच छुट्टाछुट्टै छलफल भएका छन् ।
अवस्था पुनः तनावग्रस्त बन्दा आज फेरि कर्फ्यु जारी गरिएको छ । घटनापछि शान्ति–सुरक्षा सुदृढ गर्न राष्ट्रिय मानव अधिकार आयोगले पनि ध्यानाकर्षण गराएको छ ।
.jpg)
