– प्रमोद भट्टराई ‘प्रतीक’, भक्तपुर
१.
भाग्य भन्ने पनि कहिले काहीँ त निकै मनकारी भैदिन्छ ।
कहिले महलमा पु¥याउँछ कहिले छाप्रोमा पछारी दिन्छ ।
आफू भाग्यमानी रहेछु भनेर फुर्ती लाउनु पनि बेकारै हो ।
कसैलाई थाहा हुँदैन कुनबेला के कुरामा लोपारी दिन्छ ।
२.
कठोर ढुंगासँग भन्दा उर्वर माटोसँग आस हुन्छ ।
जुन हृदय कोमल हुन्छ त्यसैमा प्रेमको बास हुन्छ ।
मिलनको पहिलो भेट त दुरी मेटाउनलाई मात्रै हो ।
भावनाले मिल्नसके मात्रै सँधैभरि मधुमास हुन्छ ।
३.
शक्तिको सामर्थ्यले आखिर जुधाएरै छाड्ने भयो ।
हिजो जोडिएको थियो घाँटी छुटाएरै छाड्ने भयो ।
नामर्दको जोई जस्तो बन्यो देश, बाह्य षडयन्त्रले ।
मर्द ठानिएका पोइहरूलाई झुकाएरै छाड्ने भयो ।
४.
भेलमा कुद्न सकिँदैन, पाइला बिस्तारै सार्नुपर्छ ।
सँगैको साथी कमजोर रैछ भने समातेर तार्नुपर्छ ।
सँधैभरि जित्न खोज्दा पनि अहंकारी हुन्छ मन ।
सम्बन्धमा सन्तुलन राख्न कहिले काहीँ हार्नुपर्छ ।
५.
आफ्नो गोरुको दाम बार्है टक्का भन्दैछ ऊ त ।
काम गरेरै देखाउँछु सार्है पक्का भन्दैछ ऊ त ।
ए बाबा सहयोग गर्देउन भन्ने रोइलो पनि गर्दै ।
देशलाई पर्ने’ भो अप्ठ्यारै धक्का भन्दैछ ऊ त ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies