
काठमाडौं : राष्ट्रपति रामचन्द्र पौडेलको उपस्थितिमा प्रधानमन्त्री सुशीला कार्की र विघटित प्रतिनिधिसभाका प्रमुख तीन दलका शीर्ष नेताबीच आज (मंगलबार) पहिलोपटक सामूहिक छलफल हुँदैछ ।
जेनजी आन्दोलनपछि हुन लागेको यस छलफलमा कांग्रेस सभापति शेरबहादुर देउवा, एमाले अध्यक्ष केपी शर्मा ओली र नेकपा संयोजक पुष्पकमल दाहाल ‘प्रचण्ड’ सहभागी हुनेछन् ।
राष्ट्रपति सचिवालयका अनुसार छलफल दिउँसो ३ बजे हुनेछ । छलफलको एजेन्डा भने सार्वजनिक गरिएको छैन ।