रेशम अधिकारी/मध्यान्ह
रूपन्देही : बाल्यकालमा विद्यालयको भित्ता कोरिएको चित्र देख्दा मनमा चित्रकार बन्ने सपना सजाएका रूपन्देही देवदह नगरपालिका–७ का निश्चल सुवेदी १५ वर्षकै उमेरमा चित्र कोर्नमा माहिर बने । देवदहस्थित केरवानी माध्यमिक विद्यालयमा कक्षा ६ मा अध्ययनरत निश्चल विद्यालय बिदा हुनासाथ चित्र कोर्नमै व्यस्त रहन्छन् । भविष्यमा शिक्षक र क्रिकेटर बन्ने सपना बोकेका सुबेदीको हातमा पेन्सिल पर्न साथ ड्रोइङ कोरिन्छ । उनी निकै मिहिनेत गरेर चित्र तयार पार्छन् ।
दुई सन्तानमध्येका कान्छा निश्चल आफ्ना सिर्जनामा अक्सर पृथ्वी, स्मार्ट सिटी, वातावरण, खोलानाला, हिमाल, पहाड प्रकृतिलाई झल्काउँछन् । जनावर र चर्चित व्यक्तिका चेहरालाई रंगहरु भरेर उतार्छन् । निश्चल भन्छन्, “चित्रले यथार्थ झल्काउँछ, चित्रमा कोरिए जस्तै हाम्रो सुन्दर वातावरणलाई देश विदेशमा झल्काउन जरुरी छ ।”
उनी अगाडि थप्छन्, “म अहिले नै चित्रकलामा माहिर नै त् छैन सिक्ने त्रम जारी नै छ ।”
सुबेदीले चित्र सेतो पानामा उतार्नभन्दा पहिला आफ्नो मस्तिष्कको कल्पनामा चित्र कोर्छन् यसो गर्दा उनमा चित्र बनाउन मद्दत हुने उनले बताए । “कुनै विद्यालयमा चित्रकला प्रतियोगिता आयोजना भयो भने केरवानी माविबाट सुवेदी प्रतियोगी हुन जाने लगभग पक्का नै हुन्छ”, शिक्षक कृष्ण न्यौपानेले भने । “कलिलो उमेरमा निश्चलको चित्रकलाप्रतिको मोह र कला तारिफ योग्य छ यदि यसैलाई निरन्तरता दिने हो भने उ पक्का सफल हुन्छ ।”
कोरोना महामारीको विषयमा जिल्ला स्तरीय चित्रकला प्रतियोगिता नेपाल रेडक्रस सोसाइटीले आयोजन ग¥यो उनी जिल्लाभरिका विद्यार्थी मध्ये चौथो स्थान हासिल गरे उनले भन्छन्, “सधैँ प्रथम मात्र हुँदिन कहिले दृतीय कहिले तृतीय र कहिले चौथो हुने गर्छु तर, आजसम्म खाली हात चै आउनु परेको छैन यसैमा खुशी लाग्छ ।”
हालसम्म दर्जन बढी प्रतियोगितामा भाग लिइसकेका निश्चलले केही बाहेक सबै चित्रकला प्रतियोगितामा पुरस्कार थापेको सुनाए । भन्छन्, “पुरस्कारको लागि भन्दापनि अरुलाई कला देखाउन पाउँदा खुशी लाग्छ ।” उनले जितेका पदक र प्रमाण पत्रले घरको कोठामा सजाएको छन् ।
उनको सिर्जना देखेर धेरै जना चकित बनेको र उनी पढाईमा समेत राम्रो नतिजा ल्यायोको सुबेदीका बुबा आनन्दा सुबेदीले भने, “छोराको चित्रकला प्रतिको लगाब देखेर हामी खुशी छौं उसलाई चाहिने सहयोग र साथ दिएको छौँ, चित्रकलामा यही गतिमा लागेर आफ्नो र परिवारको नाम चिनाउन सके हामी यसैमा खुशी छौ ।”
यस्तै विद्यालयका प्रधानाध्यापक दुर्गा दत्त आचार्य भन्छन्, “यसरी निश्चलले अवसर पाउँदै गएमा सविनले देवदह र आफ्नो विद्यालयको नाम राष्ट्रिय अन्तराष्ट्रिय स्तरमा समेत चिनाउन सफल हुुन्छन् ।”
कस्तुरीले आफ्नो नाइँटोमा भएको सुगन्ध पहिचान गर्न नसकेर जिन्दगीभर त्यो सुगन्धको खोजीमा भौतारिन्छ हो त्यस्तै करोडौँ कस्तुरी हामी माज छौ जो आफुभित्रको कलालाई पहिचान गर्न नासकी पछि परिरहेको छौँ । हरेक मानिसमा जन्मदा नै एउटा कला हुन्छ, उसले त्यो कलालाई चिनेर अघि बढ्ने हो भने पक्का सफल हुन्छ । निश्चलले जस्तै आफुभित्र भएको चित्रकलाको कलालाई चिनेर अघि बढे भने पक्का सफलता चुम्न सकिन्छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies