इटहरी : धरानको जिरो प्वाइन्टमा आइतबार दिउँसो बस दुर्घटना हुँदा ५ जनाको मृत्यु भएको छ भने १७ जना घाइते भएका छन् ।
भेडेटारबाट धरानतर्फ आउँदै गरेको को १ ख ७११९ नम्बरको ‘इन्टरनेशनल टेम्स एकेडेमी’ लेखिएको बस अनियन्त्रित भइ श्रीकृष्ण प्रणामी मन्दिरको सटरमा रहेको न्यु सभा मेडिकलमा ठोक्किँदा दुर्घटना भएको हो ।
दुर्घटनामा मृत्यु भएकाहरूको हालसम्म पहिचान खुल्न सकेको छैन । घाइतेहरूको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको इलाका प्रहरी कार्यालय धरानका डीएसपी विष्णुबाबु राईले जानकारी दिएका छन् । दुर्घटनाको कारणबारे अनुसन्धान भइरहेको प्रहरीले जनाएको छ ।
.jpg)
.jpg)
.jpg)
