काठमाडौँ : पूर्वप्रधानमन्त्री डा. बाबुराम भट्टराई स्वास्थ्य उपचारपछि अस्पतालबाट डिस्चार्ज भएका छन् ।
अचानक स्वास्थ्यमा समस्या देखिएपछि उनलाई काठमाडौँको टोखास्थित ग्राण्डी अन्तर्राष्ट्रिय अस्पतालमा भर्ना गरिएको थियो। उपचार प्रक्रिया पूरा भएपछि उनी घर फर्किएका हुन् ।
भट्टराईले सामाजिक सञ्जालमार्फत उपचारमा संलग्न चिकित्सक तथा स्वास्थ्य लाभको कामना गर्ने सबैप्रति धन्यवाद व्यक्त गरेका छन् ।
उनको उपचारमा संलग्न चिकित्सकहरूका अनुसार भट्टराईमा भित्री कानसँग सम्बन्धित बेनाइन प्यारोक्सिज्मल पोजिसनल भर्टिगोको समस्या देखिएको थियो। यो अवस्थाले चक्कर आउनेजस्ता असहज लक्षण देखाउन सक्छ ।
भट्टराईको स्वास्थ्य परीक्षणका अन्य सबै विवरण सामान्य रहेको उनको सचिवालयले जनाएको छ । अस्पतालबाट फर्किएपछि उनले नियमित स्वास्थ्य अवस्थासहित आफ्नो गतिविधि अघि बढाउने जनाइएको छ ।
.jpg)
.jpg)
