‘बालेनले सुनेनन्, गुटेरेस तिमीले हाम्रो दुःख-पीडा सुनिदेऊ’ (तस्बिरहरू)

काठमाडौं : सहकारी तथा लघुवित्तपीडत पाँच दिनदेखि पुल्चोकस्थित मानव अधिकार आयोगको प्राङ्गणमा धर्नामा छन् । समस्या समाधानको माग राखी नागरिक बचाऔँ महाअधियानको नेतृत्वमा धर्नामा रहेका उनीहरुले मानवअधिकार प्रवर्धनमा क्रियाशील संयुक्त राष्ट्र संघलाई गुहारेका छन् ।

प्रधानमन्त्री वालेन्द्र शाह नेतृत्वको सरकारले आफूहरुको मागको बेवास्ता गरेको भन्दै उनीहरुले आन्दोलन स्थलबाटै प्लेकार्डमार्फत संघका महासचिवको ध्यानाकर्षण गराएका छन् । उनीहरुले ‘बालेनले हामीलाई सुनेनन्, एन्टोनियो गुटेरेस तिमीले हाम्रो दुःख–पीडा सुनिदेऊ’, ‘हाम्रो घर छैन, परिवार छैन, नेपालले देखेन, संयुक्त राष्ट्र संघले देखोस् हाम्रो पीडा’ लेखेको प्लेकार्ड धर्ना स्थलमा राखेका छन् ।

उनीहरूले २०८२ माघमा तत्कालीन सरकारसँग भएका सहमति पूरा गर्न माग गर्दै आयोगमा गत साउन २९ मा ज्ञापन-पत्र बुझाएका थिए । ज्ञापनपत्र बुझाएपछि आयोगको कार्यालयबाहिर धर्ना सुरू गरेका थिए ।

May be an image of one or more people and text that says "BALEN ©madhyanhadaily.com .com"