बुटवल : लुम्बिनी प्रदेश सरकारका खानेपानी तथा शहरी विकास मन्त्री रोज राणाले जनताबाट कुनै पनि गुनासो नआउने गरी काम गर्न कर्मचारी हरुलाई निर्देशन दिएका छन् । मन्त्रालय मातहतका कर्मचारीहरुलाई निर्देशन दिँदै मन्त्री राणाले मन्त्रालयको साख उच्च हुने र जनताको गुनासो कहिकतैबाट नआउने गरी काम गर्न मन्त्रालय र मातहतका कार्यलय प्रमुखहरुलाई निर्देशन हुन् ।
खानेपानी जनताको दैनिक उपभोग्य महत्वपूर्ण सम्वेदनसिल बस्तु भएको बताउँदै मन्त्री राणाले १ घर १ व्यक्ति शुद्ध पानी दिने गरि काम गर्न आग्रह गर्दै वर्तमान जमना अनुसारको प्रविधिको प्रयोगलाई उच्च महत्वका साथ जनतालाई सहज व्यावहारिक रुपमै सर्वसुलभ, र सर्वसाधारण पहुँचयोग्य बनाउने प्रदेश सरकारको योजना रहेको बताए ।
मन्त्री राणाले पछिल्लो समयमा मन्त्रालयले खानेपानी र शहरी विकासको क्षेत्रमा दीर्घकालीन रूपमा जनतामा सकारात्मक प्रभाव पार्ने गरी कार्ययोजना बनाइरहेको र ती योजना कार्यान्वयन भइसकेपछि खानेपानी शहरी विकास मन्त्रालयको साख अझैँ उच्च हुने विश्वास व्यक्त गरे ।
मन्त्री राणाले मितव्ययिता अपनाउँदै पूँजीगत खर्चमा वृद्धि गर्नुपर्ने आवश्यकतालाई ध्यानमा राखेर आगामी दिनमा अगाडि बढ्न निर्देशन दिँदै शहरी विकास खानेपानी मन्त्रालयलाई जनताको आवश्यकता अनुसार समयानुकूल बनाउँदै लैजाने प्रतिबद्धता व्यक्त गरे ।
जिल्ला हरुमा हुने विकास निर्माणका कामहरु गुनासो नआउने समय अनुकुल गर्न निर्देशन दिँदै मन्त्री राणाले कुनै ठाउँबाट गुनासो नआउने गरी काम गर्न आग्रह गरे ।
