काठमाडौं : नेकपा एकीकृत समाजवादीको कार्यदलको बैठक बस्दै छ । आज दिउँसो १२ बजे सात सदस्यीय कार्यदलको बैठक बोलाइएको छ । कार्यदलको बैठकले नेताहरुको कार्यविभाजन गर्ने भएको छ । पार्टी अध्यक्ष माधव नेपाल नेतृत्वको कार्यदलले नेताहरुको कार्यविभाजन गर्ने तयारी गरेको हो ।
असार तेस्रो साता १०औं राष्ट्रिय महाधिवेशन सम्पन्न गरेको एकीकृत समाजवादीले नेताहरूको कार्यविभाजन गर्न सकेको थिएन । उपमहासचिव रामकुमार भट्टराईले आज दिउँसो बस्ने कार्यदलको बैठकले नेताहरूको कार्यविभाजन गर्ने जानकारी दिए । उनका अनुसार कार्यदलले विभागीय नेतृत्वदेखि जिल्ला इन्चार्जसम्म तोक्ने छ ।
