काठमाडौं : ग्लोबल आइएमई बैंकको १८औँ वार्षिकोत्सवको अवसरमा बैंकका कार्ड बाहक ग्राहकहरूलाई दराजबाट सामान किन्दा १८ प्रतिशतसम्म छुट पाउने योजना सार्वजनिक भएको छ । पुस १८ गते बिहीबारदेखि ग्लोबल आइएमई बैंकले आफ्नो स्थापनाको १८औँ वर्ष पूरा गर्दैछ, सो अवसरमा बैंकले सो छुट योजना ल्याएको हो ।
यो छुट योजना पुस १८ गतेदेखि २४ गते बुधबारसम्म रहने बैंकले जनाएको छ । यस छुट योजनाअन्तर्गत ग्राहकहरूले ग्लोबल आइएमई बैंकको भिजा डेबिट वा क्रेडिट कार्ड प्रयोग गरी दराजबाट सामान खरिद गर्दा कुल खरिद मूल्यमा १८ प्रतिशत छुट पाउनेछन् । साथै, छुटसहित बैंकले १८ जना ग्राहकहरूलाई एयरबड प्रदान गर्ने जनाइएको छ ।
ग्राहकहरूले दराजबाट न्यूनतम १ हजार ८ सय रूपैयाँको खरिद गर्दा १८ प्रतिशतको छुट प्राप्त गर्न योग्य हुनेछन् । साथै, बैंकको कार्ड प्रयोगकर्ताले यस योजना अवधिमा आफूले खरिद गरेको मूल्यमा १८ प्रतिशत अर्थात् १ हजार ८ सय रूपैयाँसम्ममात्र छुट पाउनेछन् ।
