काठमाडौँ : गृह मन्त्रालयले वडास्तरमा नै राष्ट्रिय परिचयपत्रको विवरण संकलन गर्न निर्देशन दिएको छ । मन्त्रालयले स्थानीय तहसँग समन्वय गरेर वडास्तरमा नै राष्ट्रिय परिचयपत्रको विवरण संकलन गर्न प्रमुख जिल्ला अधिकारीहरूलाई निर्देशन दिएको हो ।
गृह मन्त्रालयका प्रवक्ता नारायण भट्टराईले एक बिज्ञप्ति जारी गर्दै सेवाग्राहीको भीड बढेको गुनासो आएपछि स्थानीय तहबाटै विवरण संकलन गर्न गृहमन्त्रालयले निर्देशन दिएको बताए ।
सरकारले साउन १ बाट सामाजिक सुरक्षा भत्ता लिन राष्ट्रिय परिचयपत्र अनिवार्य गरेको २८ जिल्लामा सेवाग्राहीको भीड बढेको गुनासो आएपछि वडास्तरबाट नै परिचयपत्रको विवरण संकलन गर्न निर्देशन दिइएको विज्ञप्तिमा उल्लेख छ ।
