काठमाडौं : गुहेश्वरी मर्चेन्ट बैंकिङ्ग एण्ड फाइनान्स लिमिटेडको साधारण सभा सम्पन्न भएको छ । फाइनान्सको आइतबार २३औँ वार्षिक साधारण सभा सम्पन्न भएको हो । सो सभामा संचालक समितिको तर्फबाट अध्यक्ष युवराज भण्डारीले आर्थिक वर्ष २०८०/८१ को वार्षिक प्रतिवेदन पेस गरेका थिए । हाल संस्थाको कूल निक्षेप ८ अर्ब ३५ करोड रूपैयाँ र कर्जा ५ अर्ब ८४ करोड रूपैयाँ रहेको छ ।
राष्ट्रियस्तरको सो वित्तीय संस्थाले २३ वटा शाखा कार्यालयहरू र ४ वटा विस्तारित काउन्टरबाट ग्राहकहरूलाई वित्तीय सेवा प्रदान गर्दै आईरहेको फाइनान्सले जनाएको छ । कारोबार विस्तारको लागि निकट भविष्यमा थप शाखा विस्तार गर्ने योजना रहेको प्रमुख कार्यकारी अधिकृत तोयराज अधिकारीले बताए ।
