कतार : नेपाली जनप्रगतिशील मञ्च कतारले ३०औं जनयुद्ध दिवस मनाएको छ । मञ्चले शुक्रबार कतारस्थित फूलबारी रेष्टुरेन्टमा एक कार्यक्रम आयोजना गरी दिवस मनाएको हो ।
कार्यक्रम मञ्चका अध्यक्ष राजेन्द्र देवकोटाको अध्यक्षत र नेकपा माओवादी केन्द्रका केन्द्रीय सदस्य तथा एसिया प्रदेश (सार्क बाहेकका) प्रदेश सह-इनचार्ज डीबी क्षेत्रीको प्रमुख आतिथ्यतामा भएको थियो । क्षेत्री हजारिया अभियानता तथा अहिलेको सामाजिक सुरक्षा कोषका अभियनता पनि हुन् ।
अतिथिको आसन ग्रहणलगतै नेपाली राष्ट्रिय गान, शहीदको स्मरण गर्दै दीप प्रज्वलन गरी प्रमुख अतिथि क्षेत्रीले कार्यक्रमको उद्घाटन गरेका थिए भने कतारमा स्थापित सम्पूर्ण संघ-सस्थाका प्रमुख तथा प्रतिनिधिसहित माओवादी आस्थावानहरुको बाक्लो उपस्थिति रहेको थियो ।
कार्यक्रमामा माओवादी केन्द्र एसिया प्रदेश (सार्क बाहेकका) संयोजक शनि कुमार ओलीको पनि विशेश उपस्थिति रहेको थियो । संयोजक ओलीले आफ्नो मन्तव्य राख्ने क्रममा माओवादी आन्दोलन र जनयुद्ध हिजो पनि सही भएको र आज पनि सही रहेको प्रष्ट पारेका थिए । जनयुद्धलाई प्रतिगामी तत्वहरुले गलत तरिकाले व्याख्या अपव्याख्या गरेकोप्रति दु:ख व्यक्त गर्दै यसो नगर्न पनि उनले चेतावनी दिएका छन् ।
यो आन्दोलन सम्पूर्ण सिमान्तकृत वर्गहरुको अधिकार र हितको निम्ति रहेको बताउदै उनले स्वर्गीय गिरिजाप्रसाद कोइराला र माधाव नेपालले आन्दोलन सफल बनाउनका निम्ति सहयोग गरेको बताए । बहुमतको आडमा नेपाली जनताको हक अधिकारलाई कुण्ठित गर्ने गरी अहिलेको सरकारले संविधान संशोधन गर्न खोजेको आरोप लगाए । उनले संशोधन गर्नै परे पूर्ण समानुपातिकसहित कार्यकारी राष्ट्रपति र विज्ञ मन्त्रीको व्यवस्थासहित गरिनुपर्ने माग गरे ।
कार्यक्रममा आफ्नो मन्तव्य राख्ने क्रममा प्रमुख अतिथि क्षेत्रीले परदेशमा रहेका सम्पूर्ण श्रमिकलाई एकजुट भएर राम्रा काम गर्नेलाई साथ र सहयोग गर्न अपिल गरेका थिए । आफूले एनआरएन अभियानमा रहँदा हरारे अभियान संचालन गरेको र अहिले त्यही अभियानलाई नेपाल सरकारले सामाजिक सुरक्षा कोषको रुपमा स्थापित गरेकोप्रति खुशी व्यक्त गरे । उनले यस अभियानमा प्रवासमा रहेका सम्पूर्ण नेपाली श्रमिकहरुलाई जोडिन पनि अपिल गर्दै २०८४ को चुनावमा माओवादी केन्द्रलाई बहुमतका साथ जिताउन आग्रह गरे । उनले भने, "हामीले विदेशबाट पनि मतदान गर्न पाउनुपर्छ" भन्ने बुलन्द आवज उठाएका छौं ।'
कार्यक्रममा कतारमा रहेका कलाकारहरुले विभिन्न क्रान्तिकारी गीतमा आफ्नो प्रस्तुति पनि राखेका थिए । कार्यक्रमा मन्तव्य राख्ने क्रममा कतारमा सथापित सम्पूर्ण संघ-सस्थाका प्रमुख तथा प्रतिनिधिहरुले जनयुद्ध दिवसको शुभकामना व्यक्त गरेका थिए ।
मञ्चका उपाध्यक्ष सरिता भण्डारीले उपस्थितहरुलाई स्वागत मन्तव्यद्वारा स्वागत गरेकी थिइन् भने मञ्चका महासचिव यिगेन्द्र तामाङले कार्यक्रमको सहजीकरण गरेका थिए ।
.jpg)
