बझाङ : नेकपा (एमाले) जिल्ला कमिटी बझाङले स्वतन्त्र विद्यार्थी युनियन (स्ववियु)को निर्वाचनका लागि त्रिभुवन विश्वविद्यालय अन्तर्गतका सात क्याम्पसमा नेताहरूलाई जिम्मेवारीसहित खटाएको छ ।
पार्टीको जनसंगठन अनेरास्ववियुलाई जिताउने गरी एमालेले सेती क्याम्पस, बझाङदिप क्याम्पस, थलारा क्याम्पस, शान्ति क्याम्पस, सुनकुडा क्याम्पस, त्रिवेणी क्याम्पस र खापरदेव क्याम्पस गरी सात वटै क्याम्पसमा जिल्ला कमिटी सदस्य र पालिका कमिटीका नेता खटाएको हो ।
नेकपा एमाले जिल्ला कमिटी बझाङका उपसचिव तथा जनसंगठन संयन्त्र प्रमुख पंकज भण्डारीले त्रिभुवन विश्वविद्यालय अन्तर्गतका सात वटै क्याम्पसमा पार्टीबाट प्रतिनिधी खटाईएको बताए ।
पार्टीको जिल्ला कमिटीबाट समन्वय र संयोजन गर्ने जिम्मासमेत भण्डारीलाई दिइएको छ । त्रिभुवन विश्वविद्यालय अन्तर्गततका क्याम्पसहरूमा स्ववियु निर्वाचन आगामी चैत ५ गते हुने भएको छ ।
