काठमाडौं : नेपालमा सञ्चालनको पहिलो वर्ष पूरा गरेको विद्युतीय सवारी ब्रान्ड दीपलले आठ सय वटा भन्दा बढी ईभी गाडी बिक्री गरेको छ । ईभीको आधिकारिक वितरक कम्पनी चांगन नेपालले एक विज्ञप्ति जारी गर्दै कम्पनीले छोटो समयमै यो आँकडा पूरा भएको जानकारी दिएको हो ।
सो अवधिमा नेपाली बजारमा दीपलका चार मोडेल सार्वजनिक भएका छन् । यी सवारीहरूमा जेस्चर कन्ट्रोल, एआर–एचयूडी, सनफ्लावर टचस्क्रिनजस्ता प्रविधि रहेको कम्पनीले जनाएको छ ।
त्यस्तै, विद्युतीय सवारी चार्जिङका लागि कम्पनीले नेपालभरी ९६ चार्जिङ स्टेसन सञ्चालनमा ल्याएको छ । कम्पनीको ब्रान्ड एम्बेस्डरमा राष्ट्रिय क्रिकेट टिमका पूर्वकप्तान पारस खड्का रहेका छन् ।
.jpg)
