काठमाडौं : नेपाल वित्तीय संस्था कर्मचारी संघले ३५औं स्थापना दिवसको अवसरमा काठमाडौंमा प्रभातफेरी कार्यक्रम सम्पन्न गरेको छ ।
पूर्वअर्थमन्त्री तथा नेपाली कांग्रेसका प्रवक्ता डा प्रकाशशरण महतको प्रमुख आतिथ्यता र संघका अध्यक्ष पदमराज रेग्मीको सभापतित्वमा उक्त कार्यक्रम सम्पन्न भएको हो ।
संघले श्रमको सम्मान, बैंक तथा वित्तीय संस्था र कर्मचारीमाथिको आक्रमण रोक्न र समस्त वित्तीय क्षेत्रमा पूर्ण सुरक्षाको ग्यारेन्टी गर्न माग गर्दै सामूहिक सौदाबाजी गर्ने श्रमिकको मौलिक अधिकार सुनिश्चित गर्न सुरक्षासम्बन्धी श्रम ऐनको व्यवस्था कार्यान्वयन गर्न आग्रह गरेको छ ।
साथै, संघले वित्तीय क्षेत्रलाई शान्ति क्षेत्र घोषणा गर्न र सामाजिक सुरक्षामा लगाइने दोहोरो कर खारेज गर्न पनि माग गरेको छ ।
.jpg)
