चितवन : नेपालमा सेरेस र नामी इलेक्ट्रिक सवारी साधनहरूको आधिकारिक वितरक एमएडब्ल्यू वृद्धिले भरतपुरको सीएमटी रिसोर्टमा आफ्नो एक्सचेन्ज र टेस्ट ड्राइभ क्याम्पको आयोजना गरेको छ । साथै, विशेष अफरको रूपमा कार्यक्रम अवधिभर सेरेस र नामी ईभी खरिद गर्ने ग्राहकहरूले निःशुल्क ७ किलोवाट चार्जर प्राप्त गर्ने जनाइएको छ ।
ग्राहकहरूलाई थप लाभ स्वरूप एमएडब्ल्यू वृद्धिले नामी र सेरेस खरिद गरी विद्युतीय गतिशीलताको अर्को पुस्तामा स्तरोन्नति गर्ने ग्राहकहरूलाई असाधारण विनिमय मूल्य र विशेष बोनसहरू पनि प्रदान गर्ने जनाइएको छ । सहभागीहरूलाई प्रत्येक टेस्ट ड्राइभ प्रदान गरिने र अन–द–स्पट फाइनान्सिङ सुविधा दिएर ग्राहकलाई सुलभ ब्याजदरमा नयाँ सेरेस वा नामी ईभी खरिद गर्न सहजीकरण गर्ने जनाइएको छ ।