काठमाडौं : सानै उमेरदेखि गीत संगीतमा लाग्ने रहरले अहिले लोक तथा दोहोरी गायक अर्जुन पन्तलाई यहि क्षेत्रमा ब्यस्त बनाएको छ । पर्बत जिल्लाको फलेबास न पा ७ लिमिठानामा सामान्य परिवारमा जन्मिएका पन्त करिव १२ बर्ष बिदेश हानिए ।
रन बनमा रन्किने चरा चुरुंगीका सुमधुर आवाज र पाखा पखेरामा घन्किने शुसेलीहरुलाई बिदेशका रमझमले बिर्सीउन सकेन उनलांई । स्वदेश फर्किए र बिगत चार बर्षदेखि उनी ब्यबसायिकरुपमा गीत संगीत क्षेत्रमा लागिपरेका छन् ।
आफ्नै लय, शब्द र गायनमा डेढ दर्जन गीत गाइसकेका गायक पन्तले मौलिक र फरक प्रस्तुतिमा गीत संगीतलाई ढाल्ने गरेका छन् ।
हालै गायक पन्त र गायिका जमुना पौडेलको आवाजमा रहेको “जुन ताराले” गीतको भिडियो सार्वजनिक भएको छ ।
उक्त भिडियो न्यू अन्जना डिजिटलमार्फत सार्वजनिक भएको हो । भिड़ियोमा मौलिक लोक लयका साथै प्रेमी प्रेमिका विचको प्रेमको भावलाई गीतमा समेटिएको छ । गायिकाको वास्तविक जीवनलाई समेटेर गीत तयार गरिएकोले दर्शक श्रोतालाई भरपूर मनोरन्जन दिने गायक पन्तले मध्यान्हलाई बताए ।
अर्जुन पन्त र जमुना पौडेलको शब्द सिर्जना तथा अर्जुन पन्तकै लय सिर्जना रहेको उकित गीतमा आफनी मायालुलाई फकाउनको लागी गायक पन्त निकै खपिस देखिएका छन ।
दिपक गिरीको छायाँकन , निशान एस केको सम्पादन तथा निर्देशन भिडियोमा छ ।”जुन ताराले” गीतको भिडियोमा जय राज धिमिमरे र सुशिला बास्तोलाका साथै साथीहरुको अभिनय तथा नृत्य रहेकोे छ ।
”जुन ताराले” गीतको हेर्नुहोस् भिडियो :
