काठमाडौं : एनसेल प्रयोगकर्ताहरूले एनसेल एपमार्फत् रिचार्ज गर्दा बोनस डेटा पाउने भएका छन् । एनसेलका ग्राहकले प्रत्येक एक सय रुपैयाँ र सोभन्दा माथिको अनलाइन ब्यालेन्स रिचार्ज गर्दा बोनस डेटा पाउने भएका हुन् ।
एनसेल एप ग्राहकहरूको डिजिटल यात्रालाई अझ सहज बनाउने उद्देश्यका साथ थुप्रै उपयोगी सुविधासहित डिजाइन गरिएको सेल्फ सर्भिस एप हो । एनसेल एपमार्फत् एक सयदेखि दुई सयसम्मको अनलाइन रिचार्ज गर्दा ग्राहकहरूले एक दिनका लागि दुई सय एमबी बोनस डेटा प्राप्त गर्ने कम्पनीले जनाएको छ ।
यस्तै, दुई सय वा सोभन्दा माथिको अनलाइन रिचार्ज गर्दा तीन दिनका लागि मान्य रहने पाँच सय एमबी बोनस डेटा पाइन्छ । स्क्र्याच कार्ड प्रयोग गरेर गरिएको रिचार्जमा डेटा बोनस लागू नहुने कम्पनीले जनाएको छ ।
