काठमाडौं : कोरोना संक्रमणका कारण गत हप्ता विदेशमा थप तीन जना नेपालीको ज्यान गएको छ । गैर आवासीय नेपाली संघ (एनआरएनए)का अनुसार गत हप्ता बेलायतमा दुई जना र मलेसियामा एक जना नेपालीको कोरोना संक्रमणका कारण मृत्यु भएको हो । संघ अन्तर्गतको स्वास्थ्य समितिका अनुसार योसँगै कोरोना भाइरसबाट विदेशमा ज्यान गुमाउने नेपालीको संख्या तीन सय १७ पुगेको छ ।
स्वास्थ्य समितिका संयोजक सञ्जिव सापकोटाका अनुसार शनिबार साँझसम्म ५० देशमा रहेका ५३ हजार ८ सय ४६ नेपालीमा कोरोना संक्रमण देखिएको छ । तीमध्ये ५१ हजार एक सय १६ जना कोरोनामुक्त भएका छन् । यो कुल संक्रमितको ९३ प्रतिशत हो ।
गैरआवासीय नेपाली संघको स्वास्थ्य समितिका अनुसार गत हप्ता मलेसिया, साउदी अरब, जापान, दक्षिण अफ्रिका, बेलायत, भारत र संयुक्त अरब इमिरेट्समा रहेका थप नेपालीमा कोरोना संक्रमण देखिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies