काठमाडौं : १३ औ दक्षिण एसियाली खेलकुद सागकी ऐतिहासिक चार स्वर्ण विजेता पौडी खेलाडी गौरिका सिंह र दोहोरो स्वर्ण विजेता मन्डेकाजी श्रेष्ठ एनएसजेएफ पल्सर स्पोर्टस अवार्ड २०७६ को उत्कृष्ट महिला र पुरुष खेलाडीको अवार्ड जित्न सफल भएका छन् ।
सागमा किर्तिमानी चार स्वर्ण कै कारण गौरिका अवार्डकी हकदार बनेकी हुन् । १३ औ सागका दोहोरो स्वर्ण विजेता मन्डेकाजी श्रेष्ठ वर्ष उत्कृष्ट खेलाडी पुरूषको अवार्ड जित्न सफल भए ।
वर्ष युवा खेलाडीको अवार्ड गल्फ खेलाडी सुबाष तामाङले जिते । उत्कृष्ट प्रशिक्षकको अवार्ड तेक्वान्दोका नबिन श्रेष्ठले जितेका छन् । उनको नेतृत्वमा तेक्वान्दो टिमले १३ औ सागमा १२ स्वर्ण, ६ रजत र ११ कास्य जितेको थियो ।
पिपल्स च्वाइस अवार्ड भलिबल खेलाडी अरूणा शाहीले जितेकी छिन् । सागमा ऐतिहासिक रजत पदक जितेको महिला राष्ट्रिय भलिबल टिमलाई टिम अफ द ईयरबाट सम्मान गरिएको छ । टेबल टेनिसका पुर्व खेलाडीद्वय सिजरिन शाह र गीता क्षेत्रीलाई लाईफटाइम अचिभमेन्ट अवार्डबाट सम्मान गरिएको छ ।
त्यस्तै दिगम सिंह चेम्जोङ पारा एथलिट अवार्डबाट सम्मानित भए । अवार्डको उत्कृष्ट पुरूष, महिला र पिपल्स च्वाइस र प्रशिक्षक तर्फको विजेताले पल्सर मोटरसाइकल प्राप्त गरेका छन् भने अन्य विधाका विजेताहरुले ५०–५० हजार प्राप्त गरेका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies