काठमाडौं : नयाँ वर्ष २०८२ को अवसरमा बीवाईडी अटो इन्डष्ट्रीको नेपालका लागि आधिकारिक वितरक साइमेक्स इंक प्रालिले ग्राहक केन्द्रित अभियान ०–५–१० को घोषणा गरेको छ । सीमित समयका लागि प्रदान गरिने नयाँ वर्ष अफरअन्तर्गत बीवाईडी गाडी बुक गर्ने ग्राहकहरूले विशेष सुविधा प्राप्त गर्ने कम्पनीले जनाएको हो ।
यसमा पाँच वर्षसम्म शून्य सर्भिसिङ मूल्यको सुविधा ग्राहकले पाउनेछन् । यसअन्तर्गत ग्राहकले निःशुल्क स्ट्यान्डर्ड वार्षिक मर्मत प्याकेज प्राप्त गर्नेछन् । जसमा लेवर, एसी फिल्टर, ब्रेक प्याड, वाइपर ब्लेड, ट्रान्समिसन आयल, ब्रेक आयल, एलभी ब्याट्री, कुलेन्टलगायतका कन्जुमेबल समावेश हुने कम्पनीले जनाएको छ । कम्पनीले सिफारिस गरेको सर्भिस तालिकाअनुसार पाँच वर्षसम्मका लागि यो सुविधा उपलब्ध हुनेछ ।
त्यसैगरी १० वर्ष वा दुई लाख किलोमिटरको एक्सटेन्डेड वारेन्टीको सुविधा पनि अभियानमा छ । यसअनुसार प्रत्येक ग्राहकले ब्याट्री र मोटरमा १० वर्ष वा दुई लाख किलोमिटरमध्ये जुन पहिले आउँछ, त्यही वारेन्टी सुविधाको फाइदा पाउने जनाइएको छ ।
यो विशेष ०–५–१० अभियान यही वैशाख ३१ सम्म गाडी बुकिङ गर्ने ग्राहकका लागि उपलब्ध हुने र बीवाईडीका नेपालभर उपलब्ध सबै मोडलमा लागू हुने कम्पनीले उल्लेख गरेको छ । साइमेक्स इंकका नेशनल सेल्स हेड आशुतोष गौतमले भने, ‘नयाँ वर्षमा पदार्पण गर्दै गर्दा हामीले हाम्रा ग्राहकका साथ कार मात्र नभई एक दशकसम्मको एस्योरेन्सर र केयर समेतको उत्सव मनाउन चाहन्छौँ, ०–५–१० अभियान एउटा अफर मात्र होइन, यो सफा, दिगो इलेक्ट्रिक मोबिलिटीतर्फ नेपालको संक्रमणका लागि हाम्रो दीर्घकालीन प्रतिबद्धताको प्रतिविम्ब पनि हो ।’
