सहबान अन्सारी/मध्यान्ह
नवलपरासी : नवलपरासीमा उखु किसानहरुको बॉकी भुक्तानीको लागि सम्बद्ध सरोकारवालाहरुसँग जोडदार माग गरिएको छ । जिल्लामा प्रमुख नगदे बालीको रुपमा रहेको उखु बालीलाई प्रवर्द्वन गरि राज्यलाई चिनीमा आत्म निर्भर बनाउने उद्देश्य हुदाहुदै नेपालको चिनी उत्पादनमा उल्लेखनीय योगदान पुर्याउने उखु किसानहरुको पीडा सहन नसक्ने अवस्था रहेको छ ।
वर्ष भरी लगानी गरेर उत्पादन गरेको उखुको रकम भुक्तानीको लागी ३ बर्षसम्म पर्खिदापनि सन्बन्धित सरोकारवालाहरुको ध्यान नजानु आफैमा दु:खद पक्ष रहेको उखु उत्पादक कृषक समिति नवलपरासीले विज्ञप्तिमार्फत जनाएको छ ।
विज्ञप्तिमा पछिल्लो समयमा बाकी भुक्तानीका लागी पीडित किसानहरुले बाध्य भई संघीय राजधानी केन्द्रित अन्दोलनका कार्यक्रमहरु गर्दै गर्दा नेपाल सरकारले २०७६ माघ ७ गते भित्र सम्पुर्ण बाँकी भुक्तानी गराउने लिखित प्रतिबद्धता जाहेर गर्दा पनि बॉकी भुक्तानी नभएको हुँदा पुन: राजधानीको माईतीघर मण्डलामा उखु किसानहरुलाई न्यायिक संघर्ष गर्न नेपाल सरकारले बाध्य पारेको र त्यसै क्रममा सर्लाहीका उँखु किसान स्व. नारायण सयाभगतजीले सहादत प्राप्त गरेको उल्लेख गर्दै सरकारले २०७७ माघ ५ गते ( २१) दिन भित्र सम्पुर्ण भुक्तानी गराई सक्ने लिखित प्रतिबद्धता पुन: गरेपनि आजसम्म ईन्दिरा सुगर एण्ड एग्रो ईन्ड्रटिजले किसानको खातामा कुनै रकम भुक्तानी नगरेको र लुम्बिनी चिनी उधोगले बॉकी रकम मध्ये २ करोड रुपैया किसानहरुको खातामा पठाएपनि नेपाल सरकारले निर्धारित दर रेट अनुसार भुक्तानी नगरेको जनाइएको छ ।
निर्धारित दर रेटमा भुक्तानी प्रक्रिया अगाडि बढाई पीडित किसानहरुको भुक्तानी सुनिश्चित गर्न सरोकारवालाहरुसंग जोडदार माग गरिएको उत्पादक समितिका अध्यक्ष उमेश चन्द्र यादवद्वारा हस्ताक्षरित विज्ञप्तिमा उल्लेख गरिएको छ ।
साथै समयमा भुक्तानी नभए बाध्य भई संघर्षका कार्यक्रमहरु संचालन गर्नुपर्ने र सोबाट उत्पन्नहुने परिस्थितिको सम्पुर्ण जिम्मेवार नेपाल सरकार र सम्बन्धित मिल संचालकले नै लिनु पर्ने यादवले बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies