वितेको दुई महिनामा प्रधानमन्त्री केपी ओलीले लगातार एउटै कुरा भनिरहेका छन्– राजनीतिक अस्थिर आउन नदिन प्रतिनिधिसभा विघटन गरेँ । ओलीको तर्क मान्ने हो भने संसद् भंग नगरेको भए मुलुकमा राजनीतिक अस्थिरता निम्तने थियो । कतिसम्म भने आफूले राजीनामा दिनै नमिल्ने र राजीनामा दिएको भए मुलुक नै बर्वाद हुने ओलीले तर्क गर्दै आएका छन् । उनका भनाइमा पाँच वर्ष सरकार चलाउनु नदिइएपछि संसद् भंग गर्नुपरेको हो । संविधानमै नभएको अधिकार प्रयोग गरेको ओलीले एउटै कुरा भनिरहेका छन्– ताजा जनादेशमा जानु अग्रगमण हो । उनका गृहमन्त्री रामबहादुर थापा बादल त अझै फर्ममा आउन सकेका छैनन् । ओली समूहले गर्ने सभाहरुमा बादलको भाषण सुन्दा कतैपनि उनी प्रतिनिधिसभा भंग गर्ने पक्षका होइनन् ।
हुन त ओलीका एक र अर्का तर्क आफै लगातार बाझिने गरेका छन् । भन्नलाई राजनीतिक अस्थिरता ल्याउने प्रयास भएकाले संसद् भंग गर्नु परेको हो । लगत्तै ओली भन्छन्– कात्तिक २८ मा आफूमाथि पुष्पकमल दाहाल प्रचण्डले लगाएको आरोप नै संसद् विघटन र नेकपा विभाजनको कारण हो । फेरि ओली विरोधाभासपूर्ण कुरा गरिहाल्छन् । ताजा जनादेशमा जाँदा पनि २०७४ को जस्तो नतिजा आउँदैन । त्यसो भए त ताजा जनादेशले अर्को राजनीतिक अस्थिरता निम्त्याउने रहेँछ । तर, ओली यो तथ्य स्वीकार्दैनन् । अझ प्रष्ट भाषामा भन्छन्– संसद् विघटन संवैधानिक कुरा नभएर राजनीतिक कुरा हुन् । राजनीतिक निर्णय भएकाले संसद् विघटनको निर्णय अदालतले हेर्न मिल्दैन । अहिले संसद विघटन विरुद्धको मुद्दा फैसला हुने चरणमा पुगेको छ ।
अतः धेरैको चाहना भने संसद् विघटनको निर्णय सर्वोच्च अदालतबाट बदर हुनेमा छ । ओली समूह बाहेक बाँकी सम्पूर्ण पंक्ति संविधान जोगाउन पनि संसद् विघटनको निर्णय सदर गरिनु हुन्न । तर, मुख्यगरी विभाजित नेकपाको प्रचण्ड–माधव समूह ओलीले सेटिङमा संसद् विघटन गरेको आरोप लगाउँदै आएको छ । तसर्थ, मुलुकको संविधान, नेपाली जनतामा निहीत सार्वभौमता र राष्ट्रिय एकता कायम गर्नेगरी फैसला आउँछ अथवा फेरि पनि मुलुक संवैधानिक र राजनीतिक संकटतिर जान्छ भन्ने सर्वोच्चको निर्णयमा भर पर्ने देखिन्छ । अतः चुनाव त गर्नैपर्नेछ । तर, संविधानको निर्देशअनुसार, चुनाव भएमा संविधान जोगिनेछ । कुनै व्यक्तिको सनक नभएर जनमतको सम्मान हुनेगरी फैसला आउँदा संवैधानिक अंगप्रतिको विश्वास समेत बढेर जानेछ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies