काठमाडौं : नेकपा एकीकृत समाजवादी पार्टीका अध्यक्ष तथा पूर्वप्रधानमन्त्री माधवकुमार नेपाल र नेपालका लागि अष्ट्रेलियन राजदूत फेलिसिटी वोल्फबीच भेटवार्ता भएको छ ।
मंगलबार एकीकृत समाजवादीको केन्द्रीय कार्यालय आलोकनगर काठमाडौंमा अध्यक्ष नेपाल र राजदूत वोल्फबीच भेटवार्ता भएको हो ।
उक्त भेटमा दुई देशबीचको सम्बन्ध, आयाम, साझेदारी, सहयोग, मित्रता र समसामयिक विषयमा छलफल भएको अध्यक्ष नेपालको सचिवालयले जानकारी दिएको छ ।
राजदूत वोल्फ केही समयपछि आफ्नो कार्यकाल सकेर स्वदेश फिर्ता हुँदैछिन् । भेटका अवसरमा अध्यक्ष नेपालले वोल्फलाई आफ्ना विभिन्न पुस्तकहरू उपहार प्रदान गरेको सचिवालयले जनाएको छ ।