काभ्रे : काभ्रेको बनेपामा बुधबार हिमाल-तराई यातायात सेवा प्रा.लि. र अरनिको यातायात सेवा प्रा.लि.का कर्मचारीबीच कुटाकुट भएको छ ।
बुधबार बिहान बनेपाको बुडोलस्थित सडकमा अरनिको यातायातका कर्मचारीहरुले बस तेर्स्याएर चक्काजाम गरेपछि विवाद भएको थियो । सोही क्रममा दुई यातायात सेवाका कर्मचारीहरुबीच झडप भएको हो ।
सडक खुलाउने प्रयासमा पुगेका ट्राफिक प्रहरीकै सामुन्ने उनीहरूबीच कुटाकुट भएको हो ।
अहिले भने अवस्था सामान्य भएको जिल्ला प्रहरी कार्यालय काभ्रेले जनाएको छ ।
अरनिको यातायातको सिन्डिकेट भएको भन्दै हिमाल–तराई लगायतका यातायात व्यवसायीले विरोध जनाउँदै आएका छन् ।
_yKNe1zQ056.jpg)
.JPG)
