काठमाडौं : प्रमुख प्रतिपक्षी नेपाली कांग्रेसले देशभित्र फैलिएको कोरोना संक्रमण सरकारको चरम लापरबाहीको संज्ञा भएको आरोप लगाएको छ ।
कोरोना संक्रमणका विषयमा कांग्रेस सभापति शेर बहादुर देउवाले आफ्नै निवास बुढानिकण्ठमा पत्रकार सम्मेलन गर्दै सरकारको असंवेदशीलता र लापरबाहीका कारण उच्चदरमा संक्रमण फैलिएको आरोप लगााएका हुन् ।
यस्तो परिस्थिति आउनुमा सरकारको चरम लापरबाही, असंवेदनशीलता र अकर्मन्यता जिम्मेवारी रहेको भन्दै उनले सरकारले विगतका गल्तीबाट पाठ सिक्न नसकेको बताए । उनले कांग्रेस लगायत सरोकारवालाले दिएको सल्लाहलाई सरकारले आत्मसात गर्न नसकेको तर्क गरे ।
सभापति देउवाले प्रधानमन्त्री ओली अधुरो काममा पनि भिडभाड जम्मा गरेर उद्घाटन गर्दै तडकभडकमा मग्न भएको आरोप पनि लगााए ।
त्यस्तै, उनले सरकारलाई तत्काल संक्रमितको उपचारको लागि आईसीयु बेड तथा आवश्यक औषधि उपचार उपलब्ध गराउन माग गरे ।
उपत्यकामा निषेधाज्ञा गरेपछि कोभिड परीक्षण नगरी उपत्यका छोड्ने समय दिएर लाखौं मानिसहरु संक्रमण बोकेर जिल्लामा पुगेको उनको भनाइ छ । यसका कारण कम संक्रमण भएको जिल्लामा व्यापक हुने खतरा बढेको उनले बताए ।
पत्रकार सम्मेलनमा सञ्चारकर्मीले सोधको प्रश्नमा सभापति देउवाले वैकल्पिक सरकार निर्माणका लागि तत्काल परिस्थिति नबनेको बताए । उनले आफूहरूसँग पर्याप्त संख्या नपुगेकोले सरकार र अविश्वासको प्रस्तावको विषय थाँती रहेको उल्लेख गरे ।
यस्तै सभापति देउवाले एमसीसी सांसदबाट पारित हुनुपर्नेमा जोड दिए । तर, यो विषयमा बाहिर आएजस्तो माओवादी अध्यक्ष पुष्पकमल दाहाल 'प्रचण्ड'सँग आफ्नो कुनै सहमति नभएको तर्क गरे ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies