अर्जुन बिष्ट/मध्यान्ह
रुकुम पश्चिम : जिल्लाको बाँफिकोट गाउँपालिकामा ट्याक्टर दुर्घटना हुँदा एक जनाको मृत्यु भएको छ। गाउँपालिकाको ७ नम्बर वडाको दुलिङ खोलामा सोमबार दिउँसो ट्याक्टर दुर्घटना हुँदा एक जनाको मृत्यु भएको प्रहरीले जनाएको छ ।
गाउँपालिकाको ६ नम्बर वडाबाट ७ तर्फ ढुंगा बोकेर जाँदै गरेको रा १ त ३८९५ नम्बरको ट्याक्टर अनियन्त्रित भई दुलिङ खोलामा दुर्घटना भएको जिल्ला प्रहरी कार्यालय रुकुम पश्चिमले बताएको छ ।
मृत्यु हुनेमा बाँफिकोट गाउँपालिका वडा नम्वर ६ का १६ वर्षीय आशिष केसी रहेको जिल्ला प्रहरी कार्यालय रुकुम पश्चिमका प्रहरी निरीक्षक कपिल शाहीले मध्यान्हलाई जानकारी दिए।
सोही ट्याक्टरमा सवार अन्य दुई जना घाइते भएका छन् । जिल्लाको मुसिकोट नगरपालिका वडा नम्वर ७ का २५ बर्षीय चालक मनबहादुर बि.क. गम्भिर घाइते भएका छन् भने अर्का बाँफिकोट गाउँपालिका-७ का १७ वर्षीय विजय अधिकारीको टाउको, खुट्टा र छातिमा चोट लागेको प्रहरीले जनाएको छ। घाइते दुबै जनाको अहिले स्थानीय मेडिकलमा उपचार भैरहेको प्रहरीले जनाएको छ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies