काठमाडौं : देशभरका ७५३ स्थानीय सरकार मध्ये ३९ स्थानीय सरकारले मंगलबार बजेट ल्याउन सकेनन् । स्थानीय सरकारहरूले असार १० गतेभित्र बजेट ल्याइसक्नुपर्ने कानुनी व्यवस्था छ ।
मंगलबार देशभरका २४ वटा नगरपालिका र १५ वटा गाउँपालिकाले निर्धारित समयमै बजेट ल्याउन नसकेको नेपाल नगरपालिका संघले जनाएको छ ।
संघका कार्यकारी निर्देशक कलानीधि देवकोटाका अनुसार कुल ९२ प्रतिशत बजेट ल्याउँदा ८ प्रतिशत नगरपालिकाले बजेट ल्याउन सकेनन् ।
संघका अनुसार काठमाडौ महानगर र धरान उपमहानगरले समेत निर्धारित समयमा बजेट ल्याउन सकेनन् । बजेट नल्याउनेमा मधेश प्रदेशका १६ वटा नगरपालिका र बागमती प्रदेशका ४ वटा नगरपालिका, लुम्बिनीका २ नगरपालिका, कोशी र कार्णाली प्रदेशको १ वटा नगरपालिकासहित २४ नगरपालिकाले बजेट ल्याउन सकेनन् ।
देशभरका २९३ नगरपालिका मध्ये २६९ वटा नगरपालिकाले मात्र बजेट ल्याएको छ ।
यस्तै १५ वटा गाउँपालिकाले सिा बजेट ल्याएको छैन । गाउँपालिका मध्ये सबैभन्दा बढी मधेश प्रदेशका ९ गाउँपालिकाहरूले बजेट ल्याएको छैन । यस्तै गण्डकी र लुम्बिनीका २÷२ र बागमती र कर्णालीको १÷१ गाउँपालिकाले बजेट नल्याएको गाउँपालिका राष्ट्रिय महासंघ नेपालका कार्यकारी निर्देशक राजेन्द्र प्रसाद प्याकुुरेलले जानकारी दिए ।
४ सय ६० गाउँपालिकाहरू मध्ये ४ सय ४५ अर्थात् ९७ प्रतिशत गाउँपालिकाहरूले बजेट ल्याएका हुन् । स्थानीय सरकारमा दोश्रो कार्यकालका जनप्रतिनिधिहरूको चौथो बजेट ल्याएका हुन् ।
