रुकुम पश्चिम : रुकुम पश्चिमको बाँफिकोट गाउँपालिका वडा नम्बर ४ बालुवाचौर र वडा नम्बर ३ सिम जोड्ने झोलुङ्गे पुल जोखिममा परेको छ । उक्त पुल बिराले पिपल पोखरा सडकखण्ड अन्तरगत पर्दछ । बिरालेदेखि जग्रासम्म सडक पिच भइरहेको छ ।
सडक चौडा बनाउने काम भइरहेका बेला बिहीबार राति पहिरो खस्दा झोलुङ्गे पुल जोखिममा परेको स्थानीय देबबहादुर पौडेलले बताए ।
स्थानीयहरु कुन दिन पुल भत्किने हो भन्ने चिन्तामा रहेका छन् भने जोखिम मोलेर यात्रा गर्न बाध्य छन् ।