कालीकोट : कालिकोटका ६ पालिकालाई पूर्णखोप सुनिश्चित घोषणा गरिएको छ । १६ देखि ५९ महिनासम्मका सबै बालबालिकालाई खोप दिएका पालिकालाई पूर्णखोप सुनिश्चित घोषणा गरिएको स्वास्थ्य सेवा कार्यालय कालिकोटका सूचना अधिकारी कटक महतले जानकारी दिए ।
जिल्लाका सबै पालिकालाई पूर्णखोप सुनिश्चित घोषणा गरिसकेपछि मात्र जिल्लालाई घोषणा गरिने उनले बताए । कालिकोटमा महाबै, शुभकालीका, नरहरिनाथ, सान्नी त्रिवेणी र पचाल झरना गाउँपालिका र राष्कोट नगरपालिकालाई पूर्णखोप सुनिश्चित घोषणा भइसकेको छ ।
जिल्ला समन्वय समिति प्रमुख धनजितबहादुर शाहीका अनुसार खाँडाचक्र, तिलागुफा नगरपालिका र पलाता गाउँपालिका गरी ३ स्थानीयलाई यसै साता पूर्णखोप सुनिश्चित घोषणा गर्ने तयारी छ ।
