.jpeg)
काठमाडौं : मेडिकल व्यवसायी दुर्गा प्रसाईंले राजनीतिक दल खोल्ने घोषणा गरेका छन् । सोमबार भक्तपुरस्थित आफ्नै निवासमा पत्रकार सम्मेलन गर्दै प्रसाईंले राजनीतिक दल खोल्ने घोषणा गरेका हुन् ।
आफू राजनीतिक चेत बोकेको सफल व्यवसायी भएको बताउँदै उनले आफ्ना लागि अब परिवार र आफू भन्दा पनि नेपाल र नेपाली प्राथमिकतामा परेको बताए ।
राजनीतिले बिगारेको अवस्था सुधार्न आफू र अभियानका साथीहरूले दल खोल्ने अठोट गरेको उनको भनाइ छ । केही दिनमै दलको नाम घोषणा गर्ने प्रसाईंले बताए ।
गत चैत १५ गते भएको राजावादीको तीनकुने आन्दोलनमा संलग्न भएको आरोप लागेका उनले आफूलाई भौतिक रूपमा नै सिध्याउन खोजेको आरोप लगाए । सोहीकारण त्यस दिन आफू भागेको उनको तर्क थियो ।
.jpeg)
.jpeg)
